Niabot sa akoa nga adunay mga tao nga nalambigit sa pagpanlinlang sa atong gobyerno pinaagi sa TUPAD program sa DOLE. Masub-anun ko karon nga bisan paman sa ka hago sa atong mga amigo sa DOLE,sa mga Brgy officials ug sa akong opisina,daghan mga tao ang wala maka kuha sa benepisyo sa TUPAD tungod nga adunay pipila nga ni claim sa maka daghan nga higayun gamit ang daghan nga pangalan kada usa ka tao.

Ang kaso sa pagpangawat sa kaban sa gobyerno pwede makasuhan ug kasong kriminal labi na gyud kay gibuhat kini sa panahon nga anaa sa krisis ang atong nasod.

Ang akong opisina ug ang opisina sa DOLE nihimu na ug lakang para madakpan ning mga tawhana…akong paningkamutan nga kining mga tawhana maka balo sa leksyon nga walay lugar sa atong syudad ang mga taong dili kabalo magmahal sa iyang isig ka ingun.

Para sa mga taong nalambigit ani,akong gipanghinaut nga nalipay mo sa inyung gibuhat ug nabusog mo sa inyung kinaon ky sigurado ako nga mas daghan ang nagutman tungod sa inyung binuhatan. Ang gaba dili magsaba busa hulata ninyu ang silut nga padulung sa inyu.