Rep. Duterte Mitubag Sa Mga Online Bashers Ni Kapitan January

Wednesday, 28 July 2021

First Congressional District Communication and Information Office

Rep. Duterte Mitubag Sa Mga Online Bashers Ni Kapitan January

GILAYONG gitubag ni Davao City First District Congressman Paolo ‘Pulong’ Duterte ang mga bashers sa social media batok sa iyang asawa nga si Brgy. Catalunan Grande Kapitan January Duterte.


Una niini, daghan ang nagkomento nga mga netizens sa post sa SunStar Davao sa hulagway ni Rep. Duterte ug ni Kapitan January atol sa ilang pagtambong sa ika-unom ug ulahing State of the Nation Address (SONA) ni Pangulong Rodrigo Duterte sa Batasang Pambansa Complex, niadtong Lunes.


Human nakita ni Rep. Duterte ang mga komento, gitubag niya kini pinaagi sa pagpadala og usa ka private message sa Superbalita Davao.


Unang punto sa Kongresista mao ang problema sa water ug power interruption sa pipila ka bahin sa Brgy. Catalunan Grande.


“First of all the problem with water interruption and power interruption naay mga hotline ang DCWD and DLPC,” unang hanig sa iyang pamahayag.


Ang problema sab sa drainage system sa maong barangay iya kining gipatubag sa Department of Public Works and Highways (DPWH).


“Gireklamo napod namo na sa akong asawa as barangay captain ug ako mismo as congressman,” niya pa.


Sa mga panguntana sa netizens nganong dili kuno makit-an si Kap. Duterte, ania ang tubag ni Cong. Pulong, “Sa pangutana sa mga tawo nganong di makitan ang kapitana, naa sa IATF nga skeletal force lang sa brgy or govt offices. Personally galikay pod mi kay naa mi mga anak.”


Gidugang sa opisyal nga kung wala ang kapitan, daghan og mga pamaagi aron matubag ang giingong mga mulo sa katawhan sa barangay aron kini gilayong maaksyonan.


“Bisan wala ang kapitan padayon man gihapon ang serbisyo sa barangay kay naa man daghan pamaagi sama sa cellphone ug zoom nga mahatagan og instruction ang mga barangay personnels kung naay mubutho nga problema,” sulti ni Rep. Duterte.


Sa mga komento sab sa pagtambong sa mag-asawa sa SONA ni Pangulong Duterte, ang tubag ni Rep. Pulong, “Ang pagtambong namo sa SONA amoa to nga obligasyon as member of the first family, and ako as a Congressman, mopakita og pagsuporta sa Presidente sa Pilipinas nga amoang amahan.”


Pintok nga giingon ni Rep. Duterte nga ang eleksyon ang dalan nga puwede sila mailisdan kung wala na ganahi ang katawhan kanila.


“Kung sa tanaw nila or wa na sila ganahi sa among pagpanerbisyo naa man tay election they can choose kung kinsa ang mudumala nila. Pildi smile ug daug smile gihapon. Life is too short para lang problemahon ang mga netizens diha sa social media labi na sa Facebook,” pintok nga panapos sa Kongresista. (JPC)

29 Sep 2021

Rep. Duterte continues public service amid isolation

28 Sep 2021

First District Office gives rice, cash aid to Davao City traffic law enforcers

27 Sep 2021

Even under isolation, Pulong orders aid to Davao City traffic enforcers

27 Sep 2021

‘Pulong’ Duterte tests positive for COVID-19

23 Sep 2021

CSFI, First Congressional District Office grants financial aid

21 Sep 2021

CSFI, First Congressional District Office grants financial aid project to beneficiary

Previous
Next